دخول
تسجيلكاس السحاب
Jan 7, 2021 11:37 AM Jan 7, 2021 11:37 AM
من ظما ما يملا كفينه سراب تركض عيونه وراء وهمٍ بعيد رحت ابشرب وانكسر كاس السحاب في كفوف الشمس والقيظ الشديد قلت ابروي في ثرى الخافق شعاب واسقي غروس بكى فيها الجريد جيت ظامي ما تهيالي شراب اعتذر لي وجه الأيام العنيد صبّت الرمضا مشاوير العذاب في عيونٍ كفنت حلم شهيد من ظما لا يلحق اللال العقاب ياخذ الدنيا على العلم الوكيد والحسايف لو تضيق إبها الهضاب ما تفيد بكل حاله ما تفيد والهجير اللي تواقد بالتراب والله إني لاكسي متونه جليد
الكاتب: عبدالعزيز العبدالله السناني
0المفضلة
2986 المشاهدات
0 تعليقات