دخول
تسجيلتفضليني بلا موعد
Jan 7, 2021 11:37 AM Jan 7, 2021 11:37 AM
لا تسأليني متى كل ما بغيتي تجين الحب مابه متى كل العمر موعده حبيبتي لا يهمك وقت .. لا تستحين انا رميت الدقايق عندك مقيده هبي وانا بآتمايلك غرام وحنين لحنك من اليوم للبارح وانا آردده وأنا دخيل الهدب شديني بنظرتين وش ذنب عبدٍ يخاف العتق ياسيده وش فيك متلعثمه وش فيه صوتك حزين تعالي نسولف اللي راح ونجدده العام كان الهوى بأول سنه.. تذكرين كلٍ لمح لهفة الثاني وفزّت يده واذكر شبكنا يدينا وارتبكنا سنين للحين نحتار ما ندري من اللي نده ؟؟ الله كم ليلةٍ جيتك معي جمرتين وآخر قصيدٍ كتبناه ونسيت اقصده ؟ أشغلني الصدر قاسي وان حضنته يلين واتعبني الليل في شعرك وانا آعدده ياقبلة الورد والريحان والياسمين كم طيب في خدك الطاهر بنا مسجده أطيح كللي على بعضي قبل تضحكين ولا ادري الا واانا أكوام متمدده شوفي رماد القصايد والسهر تعرفين كم لي وانا احل في حبل الهوى واعقده أنا أنا .. سيد العشاق والعاشقين .. وانتي على وقفتك للحين متردده ؟ تفضليني بلا موعد ولا تسألين الحب ماله زمن كل العمر موعده
الكاتب: علي الضوي
0المفضلة
8381 المشاهدات
0 تعليقات