السياسة السياسة كذبة الشاعر وتحريم الخويطر للسجائر في مواعيد الدراسة ! لاتفرّق كون حاكم بالرياسة ..! بسيط مغرور وش تكاليف الزواج .. وبيننا العشرة تطول ؟! ( شيشة حجازي وكرسي ).. والصلاة على الرسول ! ! طيّب أصحاب الفضولْ ؟!! وش عليك الحين منهم .. ؟ يكفي إنك لاتزوجتي وريث الرمل صرتي .. سيّدَةْ كل الفصول ::drunk مجالس بلدي ( 1 ) انتخبنا .. ما انتخبنا .. قول خيرة كلنا نمشي تحت ظل الحكومة المواطن مايبي يغيّر مصيره بس ودّه واحد يغيّر همومه ( 2 ) تِنْتِخبني ؟!! .. (ما يخالف بس من بعد النجاح اللي توقّع هو ف يدك شيء .. ولا هي سوالف ؟!! سوق الشعر بالنيابة .. يكسب التاجر قصيدة وبالكتابة يصرف الشاعر رصيده برتقالة ! قال : ( تكسي ) قلت لا ياسيّدي ذي برتقالة ! قال بس اللون واحد قلت واحد صحْ ..حتى بالهبالة ! نون النشوة ! وش تبي هذي ؟! تبي تدرس هنا ف ستار اكاديمي ..!؟ جدّتي سمْعت وقالت : هوو فيذا ؟! قلت لا في آخر العهر الحريمي ..! درس قواعد نجزم الفعل المضارع نبني أفعال المواجع نشتري من أول ال (بندا ) إلى الفارس .. وننصب آخر الفعل المطاوع والبطالة ترفع أفعال الشوارع ..!