دخول
تسجيلالحاقد
Jan 7, 2021 11:37 AM Jan 7, 2021 11:37 AM
الحاقد اللي ضاري ٍ للمضرة الله يكفي شر مثله وشرواه شرواه شروى الخبث وابليس غره ياجعل فاله من خبايث سواياه الناقص اللي صدنا عنه حره تاريخه اسود والخطايا مطاياه واللي يحيكه ثم يعود ويصره يرجع عليه ومن دفن شي يلقاه عز الله ان الطيب عيّا يمره وازرى بياض النور يقنع نواياه كب الرجولة دونها مستقره لا طيب لا تهذيب لا سلوم تنهاه مافي شرايينه من الخير ذرة الحمد للي فكنا يوم بلواه اكسر على المنبوذ مليون جره عز الله انه خايب ٍ من ترجاه غايات خيره إن يكفيك شره ما كل ماتعطيه من طيب تعطاه اللي تخدمه اتقي منه ضره بعض الأوادم تظلمه لو تهقواه من قاع ٍ اقشر لا تحرى المسرة ما كل ماتزرعه ملزوم تجناه
الكاتب: قهر يزيد
0المفضلة
5754 المشاهدات
0 تعليقات