دخول
تسجيلنعم أنثى
Jan 7, 2021 11:37 AM Jan 7, 2021 11:37 AM
تسألني!!.. أنا من هي ؟..أنا فوق التصاوير تبي تعرف ؟؟ أجل اسمع .. أنا للحب توّاجه أنا وعودي أنفذها .. بلا زيف وطباشير أنا نصفك..أنا نبضك ..شعاع النور وسراجه أنا كيدي (تترجم له) .. تفاسير وتفاسير ولكن .. داخلي طيبه .. تكفّي امّه محتاجه نعم انثى ..و (افكاري) تعدّت هالأساطير ولالي في الزمن مصلوح .. أنا في الدنيا وهّاجه أسدّد لك و(انا امك)من جراحي فواتير أخاوي الهم لعيونك..واحمل عنّك ازعاجه (أنا اختك)..إلى امي فضل..قدوه وتأثير ( سنادك ) لو يجير الوقت .. عزة راسك وتاجه (أنا مرتك) ستر ليلك ..معي تقضي المشاوير أكمّلها حياتك حب ..وفي عالمك ديباجه أنا زينة حياتك .. جيت أزفّلك تباشير (أنا بنتك) ..أنا البسمه ..صلب ظهرك وانتاجه أنا حواء .. قاروره .. فـ (رفقا بالقوارير) كذا جاكم (ف) حكم الله فطيعوا حكم منهاجه نعم انثى..نعم انثى..نعم انثى..وعسى خير يجيلك يوم تذكرني..وتشكرني..أقل حاجه
الكاتب: أفراح الصالحي
0المفضلة
3990 المشاهدات
0 تعليقات