وأنا كأني ( فلس ) في: يد مجنون أو الحياه بصوت راعي لـشاته! كنت أجمع الايام في: صرة شجون واطعم ظلوعي عراق ضيّع فراته وأرقى الاسامي لين اتساقط عيون معْ كل دمعه حلم يفقد حياته كنت أذبح ( وْبخبال) للي ينامون: صبحي لجل ينحاز ليلي لــذاته! كل الجهات احزان ماتقبل بـكون اقل من عمري تشّكل شتاته مثل الورق نركض على الريح بجنون معْ كل واحد مننّا : امنياته! اطفال لكن شيبنا مر وبهون أغلب لحانالين ركّز عصاته! بإهبالنا نبني وطن من ثرى سجون ونّرد نهدم مابنينا بـْرفاته! مابصمتنا: طعمٍ ولابصوتنا: لون اجساد ينطقنا النحول بـسكاته! كم حلم سافر بـين اصابـيعنا دون : نرجاه يترك بأرضنا: ذكرياته جيّاع كنّانرسم اطرافنا: غصون والخبز بلبل( موجعه) اغنياته! وكنا نموت الفين مره لـسعدون لاقال: ربعي! وانحنى لـ عبراته ثامر تهّدممن حكاية: انا بْدون! ومع كل هذا كان عايش مماته! احيان يضحك من كثر مابه طعون لين الدموع تبْل يابس شفاته وفيصل تزّوج وامتلى جيبه ديون مرّات دخـّانه صَعب مشتراته! إيجار بيته/ زوجته/ طفلته: نون والموت لامن اطلبنه: خواته!