(( مدخل )) لَـ / بستيني .. لِبسْتيني ! (( فضاء )) و .. اتخيّلك .. مثل السحاب .. اللي نثر همّه على ذاك الطريق .. اللي نسى .. نا ! يتأمّلك .. و انتي مثل همّي .. اللي تلبّسني حروف .. و .. راح ينْثرني عليك ! و .. اتخيّلك كنّك مَ .. عِك ! و الا مسا .. فاتِك ! خطوة .. خطوة امدّ لك وجهي .. و آآعلّقك آبك يزهّر .. يموت تَشْرينك ! اعْطَشِك .. و آآجوع / لك .. كنّي يتيمك .. لا من نبت فيني .. و جهك و هاجرني .. و آآلبّسِكْ وجهي ! و .. اتخيّلك كنّك رغيف ! و كنّي فقارى تنتظر .. تسْرق زمانك .. تآك .. لك ! نَهَمْ .. نِهِمْ و ما تِشْبَ .. عِك .. ! ليه انكسر و اتخيّلك مثل السحاب و بارقه كنّي عطش يتأمّلك صرتي شموسٍ حارقة ! ليه انكسر وانتِ السحاب .. اللي كسا لي أضلُعي .. و راح يتمادى بـ / الهجير .. خلاّني غارق بـ / ادمُعي ! هذا وجهك .. والا وجهي ؟ يا جهاتي الأربعة .. خامس جهاتي منكسر .. صدقيني .. لو تركته .. و إلا فـ / عيوني نثرته .. ما اقدر ابكي لك عليه ..! لين انكسر وجهك علي .. و جيتك ادوّرني .. خليني .. اَبْكيني يمكن الاقيني ! (( هرب )) اسكني داخل عيوني .. ابعديني عن ظنوني .. لي زمن و آنا أغني : يا عنا .. ويني ؟ ضاعت عناويني !