دخول
تسجيلسفينة نوح
Jan 7, 2021 11:38 AM Jan 7, 2021 11:38 AM
ادخل جوا الحلم ونام حاتلاقى البنت اللى انت بتتمناها جيالك زى ملاك الحلم حيبقى ايدين مفتوحه بتندهلك فاتحه لك باب البستان فيه من كل طيور او فاكهه اتنين اتنين وكأن الحلم سفينة نوح وان حد دخل على اوضتك من اهلك ولقاك بتكلم روحك وانت مغمض عينك اوعاك تحكى له أحلامك . . . واما حتصحى وتقابل نفس البنت حاتقولك لما تحط ايديك ف ايديها نفس الحلم اخدنى ف نفس ماأنت بتحلم نفس الحلم واحنا فى سفينة نوح . . . تمشى معاها ع الكورنيش الخالى م الناس يحدفك الموج بالميه فا تفوق وتلاقى نفسك ماشى وحيد وتدّخل روحك جوا الأحلام من تانى تركب ف سفينة نوح
الكاتب: صابر فرج
0المفضلة
3899 المشاهدات
0 تعليقات