دخول
تسجيليا مالين السياسة
Jan 7, 2021 11:38 AM Jan 7, 2021 11:38 AM
بغيت نهضر تحبست فخناكَي لحروف ماهي مرهوبة ما تعرف كنان الخوف واقفة تتفرج ماهي معطوبة تنظر وتشوف عل الحق عساسة باغة تكَول لمالين السياسة إلى جابتكم جيهتي شي ريح خودو ذاتي فقبتكم للتشريح لعل وعسى فيها تلقاو الجوع واش عرفتوه فيها تلقاو الحرمان واش دقتوه فيها تلقاو حب لبلاد انتما اللي قتلتوه فيها تلقاو مستقبل لولاد انتما اللي خربتوه وإلى ساليتو كَولو للعساسة يا مالين السياسة يسلخو لساني حنت هضر ويقسمو ضهري حنت صبر وينيلو عضمي بغا يجبر وبدموع التمساح يغسلوه فثواب لوانكم يكفنوه وتحت خيرات لبلاد يغرقو الحفرة وبالجير يردموه .
الكاتب: محمد مكار
0المفضلة
774 المشاهدات
0 تعليقات