دخول
تسجيلبيوت القصايد
Jan 7, 2021 11:38 AM Jan 7, 2021 11:38 AM
كنت افكر ويش يعني فيك زايد.. عن جميع الناس يوم اني أبيك ؟ قلت اخوي؟/ وصاح بي "صَرفي" يكايد :لا "أخوك" ولا"أخاك" ولا "أخيك" ! من وانا طفله وانا قلبي محايد مادريت اني بابيعه واشتريك ! كل سهل ٍ دون حبك صار كايد وكل كايد تزهله لمسة يديك ما لبست الا مسابيحك قلايد ما كحلت الا عيون ٍ تحتويك ما سكت ّ إلا إذاْ فصمتي فوايد ماحكيت الا إذا سولفت فيك وان ذكرتك ليل / جافيت الوسايد وان ذكرتك صبح / شبيّت التريك واخفي اسمك لا قريته فالجرايد من كِثِر مااغير يا قلبي عليك والهلال إن هلّ .. محد ٍ به يعايد يحسبونه حاجب ٍ من حاجبيك قلت لي بآجيك وثيابي جدايد راحت اعيادي وحنّا نحتريك جيت احبك وابدع بيوت القصايد قلت يمكن / هالذي جاني يجيك ليه افكر ويش هاللي فيك زايد ؟ يكفْي اللي زايدك .... كوني أبيك
الكاتب: عبير بنت أحمد
0المفضلة
3122 المشاهدات
0 تعليقات