دخول
تسجيلخلوني آخذ راحتي
Jan 7, 2021 11:38 AM Jan 7, 2021 11:38 AM
يعني على قل البخت تحسدوني ! والا تكاثرتوا على الشٍعر فالي؟ من واقعي غصب ٍ علي تحرموني تبي تحَرموني بعد من خيالي ! أكتب قصيدي لجل انَسِّي طعوني مرّ الزمان اللي جرعته لحالي والا أنا..؟ لا عشت وصفي جنوني وَ لا بهالعشاق قلبي يبالي ياليتكم من ذا الهوى تعتقوني وشلون افكر به عقب ما جرالي أسمع ولا أصدّق ..و شفت بعيوني لاحد ٍ تودد لي و لا حد ٍ حكالي .. .. حبايبي .. ما فكروا يحتووني وصدّقت بأني عاشقه من هبالي ! عطيتهم ما قلت ابد.. وش عطوني بدّيتهم ماقلت..اجل وش بقى لي ؟ لكن ّ ربعي اصبحوا ما يبوني راحوا وانا كلي عليهم يلالي ماقلت للمقفين .. معكم خذوني ومن كان غالي وين ما راح غالي مع السلامه يا سلاسل سجوني أنا اقتنعت ان الحِلِم راس مالي بأترك جميع الناس تحيا بدوني مافيه داعي تنتحر من جمالي ! وياللي عذلتوني فلا تعذلوني ما ظن فيكم شدة ٍ لاحتمالي ماني شبيهتكم ولا تشبهوني انتو شَبَه.. وآنا شبيهي ظلالي لقيت في عشق الشعر كل كوني خلوني آخذ راحتي مع خيالي
الكاتب: عبير بنت أحمد
1المفضلة
3833 المشاهدات
0 تعليقات