دخول
تسجيلبدون أحباب
Jan 7, 2021 11:38 AM Jan 7, 2021 11:38 AM
العيد فرحة لقا الأحباب بعد الغياب وانا حزينه بدون احباب وبْدون عيد ياعيد ما زدت فيني غير همّ وعذاب وش زود غيري من الأفراح زاد و يزيد ألحق سراب ٍ وانا ادري بإني ألحق سراب وأسكب دموعي وانا ادري بإنها ما تفيد للهم ألفين باب و للفرَج ( ظل ) باب ما يمدي آصلْه .. إلا ْوتغرب الشمس أكيد ! يا شين حسّ العَجَز والعمْر توّه شباب ويا شين موت الرجا والياس توّه وليد يشبهني الحزن ..لا..وش جاب حزني لجاب ؟ وان قلت انا والحزِن خِلان ..ويش الجديد ؟ لا صار كل ٍ لأصله ..و الأصِل من تراب عند الحزن ما فَرَق..أسياد والا عبيد ومن جرَّب الموت.. قال الموت ما ينتهاب ومن عزني ؟ ليت يدعي لي ب ( موت ٍ ) مديد ما كان في خاطري أكتب بهمي كتاب للفم قيد ٍ وللأقلام مليون قيد مير الشعر جابه الله لي ونيس الغياب في صبح عيدٍ ..بدون احباب وبْدون عيد
الكاتب: عبير بنت أحمد
0المفضلة
7344 المشاهدات
0 تعليقات