دخول
تسجيلالعُلا
Jan 7, 2021 11:38 AM Jan 7, 2021 11:38 AM
ماهو عاشق هذاك اللي يحب وسلا ماهو العشق ذاك اللي بلغ منتهاه وانا ياذات تاريخ العُلا ، يالعلا عاشقٍ يحتفي بك ، يحتويك بهواه ياهلا ، ياهلابك ، ياهلابك هلا في قصيده بها قلبي يجسِّد غلاه جيت لك والسحاب يكللِّك ، والحلا تمطرينه ، ويمطر بك بكل إتجاه ياعروس الجبال ، ويامزار الملا يامنار الجمال ، ويا مدار الحياه كلك الطيب من عصر الجدود .. وإلى .. عصرنا اليوم ، وانتي من مصادر بهاه يامدينة مداين نورها ما إنجلى ويتجدد بأحاديث الزمن ، والرِواه من هنا ، وسط قلبك ، لين راس الفلا جاد لك صادق التاريخ من محتواه الحَجَر فيك ماهو من صخر ، لا .. ولا في ثرى ، لكن كتابٍ لمن هو قراه! كم حجر فيك كنّه نجم ساطع على.. كل هالكون ، يسرد سيرته في فضاه وانا ياذات تاريخ الحلا ، يالعُلا عاشقٍ بعد ما شافك تحقق مناه ياهلا من فؤادي ، ياهلا بك هلا في قصيده بها قلبي يجسد غلاه
الكاتب: محمد صلاح الحربي
0المفضلة
2586 المشاهدات
0 تعليقات