غيابك ماتحملته .. يرّد الصبح .. من عشرة صباحات .. ومن مية صبا فات ويرد النور يمـِّد من الليال شهور يتعـّبني اذا اخفيته.. يتعـّبني اذا قلته !! ** غيابك ما تـخيلته .. يـمسيـّنـي بأشجاني يصبـّحنـي ثقيل حضور يباكر مع شروق الشمس .. يحييني : مساء الديـجور ! غيابك لو تجاهلته .. يودّينـي عن نصف الصبح .. لليلٍ ما تـحملته .. ولكنه يوديـّني .. لو اني ما تـجاهلته !! ** غيابك ماتحملته .. يااحلى واغلى كل الناس .. مادامك حـرَّه بغيابك .. رجاءً غيبـي مثل الناس انا والله .. عجزت اخلـَّى احساسي.. بغياب الناس وغيابك .. نفس الإحساس !! غيابك ما تساهتلته .. وقـَلـَب عمري .. قـَلـَب صبـري .. قـَلَب في قلبي طاولته !! ** غيابك ما تحملته وإذا غبتـي عن احبابك .. رجاءً إخذي غيابك .. مادامك ماانتي مثل الناس غيابك مختلف جداً .. هذا اللي ما تـجاهلته .. وبـدَّل لي صباحاتي.. بليال اليأس ولكنه يبدّلـها .. غيابك لو تـجاهلته ** في كل غيبـه .. رجاءً غيبي بغيابك رجاءً أخفي غيابك .. معك عنـي !! هذا اللي عـذّب احساسي .. وكم زعـَّل علي ناسي وزعـلـّني علي منـي ! في كل غيبـه.. رجاءً غيبي بغيابك .. هذا الـممعـن بتخريبه لعلاقاتي .. يتعامل في غضـب بإسـمي ! يتعامل في تعـب بإسـمي ! كأن روحي ماهي روحي .. كأن قلبي .. لا والله ..لا .. كأن جسـمي .. هذا كله .. ماهو جسـمي !! ** في كل غيبـه .. رجاءً إخذي غيابك .. هذا العابث بألاعيبـه .. بأوقاتي .. يغيّـرها، يبعثرها يطولـها ، يقصـرّها يأخـرها بأساليبـه !! غيابك ما تحملته .. ياهـمـس العطر شـمـس النور طبيعي يوجـع غيابك .. !! يـمّد من الليال شـهـور يـمّد من الشهور دهــور ويتـعـّبنـي اذا اخفيتـه .. يتـعـّبنـي اذا قلتـه !!!