أول العيد مالي عن جنابه خيار قبل غيره لفيته لجل أعايد عليه قبل كل الصغار و قبل كل الكبار كن ماله شبيه و مال (عيده) شبيه منه علمت قلبي ( ميزة الاختيار ) بين منهو يبيه و بين من لا يبيه و منه علمت عقلي كيف يصنع قرار و كيف يلغي قراره لا دعاه و يجيه و كيف لا طال صبري و الزمان أستدار اًًصنع الصبر لجله و أنتظر و أحتريه كنه بكل عين و كنه بكل دار وين ما أصد أشوفه فوق كل الوجيه فالخلا فالشوارع فالبلد فالديار في يدين الكريم و في عيون النزيه صرت أشوفه هنا و هناك أو بأختصار: صار عالم كياني كله يصب فيه يعني الله يجيرك صار مامن فرار صارت دروب روما تنتهي في يديه أبتدينا كلام و بيت شعر و حوار و أنتهينا غلا و الحين انا اموت فيه نال كل البياض و ما عجز بالخضار معجزة خلق ربي جعل ربي يهديه ان تكلم تطول السالفه و العمار كني أشرب كلامه لا حكا و ارتويه فيه عقل الكبار و فيه طيش الصغار و الغنج من طباعه و الدلع يهتويه و التغلي بطبعه صار يبني جدار بيني و بين حلمي ما يجيني و أجيه أن بغيت اقترب له قال : فات القطار و ان بغى يقترب لي صار عذره وجيه كل ماهب ذكره من يمين و يسار قلت : يا حلو ذكره بارك الله فيه الفريد المعرب صافي الأعتبار يالله اني بوجهك تغفر لوالديه أمس كنا انا و الشوق و الأنتظار نشتكي منه و أول ماشكينا اليه قلت يا قلب قصرك في بلاد الدمار و الأمل ما يضيع و فيه من يشتريه بين فرحة زعيم بشٌروه انتصار و بين رهبة مواطن عند حاكم سفيه موقفٍ منه قلبي فيه ذل و وقار مير أعايِِده و أصبر و الله أكبر عليه