ويمرّ الليل وفـ جُعبَة (ظلامه) دمع عين وباب : رمى خَلفه فضا شيّدْ من هموم الزمنْ دوله يمرّه والمرارَه تَجرعَه وجْروحَه الأحباب تزفه لـ السَهَر يوم السَهَر : أَسْرَج له خيولَه على ( كثره) عَجَزْ يلْقى لـ حزنَه فيه "يد اصحاب " على "قل الوفا " مدّ الوفا لـ احزانَه تقولَه كثير اللي زرعهُم تحت ضلعَه والأملْ ماغاب كثـير وما حَصَد غير الجُحُود وهمًّ يْنوله ! لقاهم / يوم ضاقت به سنينَه ضحكتين وناب غَرس ضيق المدى في وحدتَه وارخى لهْ سْدوله على كثر الوجيه اللي تمرّه / كلّها أغراب على كثر إنهمارَه / ما لقى إلا (الجوعْ) محصولَه ! نسى نفسَه كثير ولا لقى غير التعب / جلباب يلَحَف صبره اللي جرّه لـ أحلام مجهوله ! سنين وصمته يلفّه وحزنه داخلَه ينساب سنين / ويقهر دموعَه سنين /ويكرهَه زوله سنين وآهـ ياذِكرى الحنين الصادق الكذّاب سنين وآآهـ ياظُلم الغياب اللي إرتمى حولَه سنين ويارتابة وقته المتوجّس المرتاب سنين وياهـ يا احلامً بقيد الصمتْ مغلوله ! كأني : لوجهلتَه أَعْرف انّه وجه عمرً ذاب لجل يحصد محاصيلً بـ (دمّ) الدمع مبلوله كأني : لو عرفتَه ماعرفتَه غير : شبً شاب من جروحً بنت للحزنْ من بين أضلُعَه دوله !