دخول
تسجيلكيف حالك ؟
Jan 7, 2021 11:38 AM Jan 7, 2021 11:38 AM
كيف حالك ؟ ياترى للحين صبحك من سواد الهم حالك ! كيف حالك ياترى قادر تعايش هالحياه أو على خبري : لحالك ! رد قلي ؟ ! افتح جروحك واعبرها تجلي ! وجاوب بنفسك : سؤالك ! كيف حالك ؟ ! ولا متى والجوع زوادة سفرك ؟ والهموم أوفى : رحالك ؟ وليه لا ناظرت حولك كنك بعين الأماكن [ ناس ] وأنت وحدك مامعك الا ظلالك ؟ وآهـ ياطوله ظلالك مالقيته في سهرك : بس لقاك فــ ارتحالك ! كيف حالك ؟ فك زر الصمت عن همك تكلم !! ياخي حتى الحزن من حزنك تألم !! ومالقى غيرك يضمه وانت غيرك مابقى لك ! تجمع جروح الليالي في يديك وينتثر قدام عينك حلمك اللي كم عنيت له ولا مرّه عنالك ! كيف حالك ؟ وكيف هو طعم الغياب اللي ارتمى حولك ولا شح بوصالك !
الكاتب: عبدالله السقيان
0المفضلة
7639 المشاهدات
0 تعليقات