دخول
تسجيلموعدٍ ضايع
Mar 22, 2021 04:29 AM Mar 22, 2021 04:29 AM
.. سراب ، وما بقالي فيه إلا ” موعدٍ ضايع “ وكم بسمة يتيمة ، في بقايا حلميِ الوردي أوزّعهم على أطراف عمرٍ : حيل متواضع واطفّي عبرةٍ ، علّم لهبها في طرف خدّي .. أنا طين ، وأمل ، واحساس ، أنا أفراح ، ومْواجع أنا نجمة صغيرة حيل .. وهالأفـلاك ؟ مو قدّي ! أنا ضحكة طفل ، لهفة حبيب ، ودمعةِ مْوادع أنا اللي دنيتي صفّت مع صْروف الدهر ضدّي .. أعدّ المستحيلات ، وعرفت ان حلميِ الرابع رغم إنّه بسيييط .. ابسط من الياء بْطرف ” ودّي “ ! حلم ، عنوانه ” طْموحي “ ، ويأسي ؟ جاره السّابع عيوني تبصره ، لكن ! دروبه قصّرت يدّي .. أحاول أفرد بْعمري جناحي الحالم .. الواسع تكسّره الحظوظ السّود ، وذكرى ؛ عيّت تعدّي وافصّل لي ثياب آمال ، يقصّ خيوطها الواقع ويلفحني هجير الـ : ليـه ؟؟ ، ولا يدفى بها بردي .. ويوم ارسل مكاتيب : الأمل ، والحلم ، والدافع أردّ آجرّ أذيال انكساري ، وخيبتي .. وحدي أثاري عمري ” المكتوب “ ، جمع أحلامي فْـ : طابع وحلّق في سما ” يمكن “ ! ، وطاح بْأرض ” ما يمدي “ ..
الكاتب: أروى
0المفضلة
35 المشاهدات
0 تعليقات