الارض هذي وسيعه بس مابه مفـرّ لا مر بالي من اقفى عني وصالها نظمت قافي__على ضو احتراق السمر والشعر نفسي من اصعب وابسط اقوالها للي بعد راحة مْن ايديّ .. باتْـفه عـذر سود الليالي غديت من اصدق عيالها يا ليلي اللي زهى داخل سماك البدر لو ترحم الحال.. قلي كيف هو حالها وان كان تقدر مكاني تكشفه بالصدر بالله انا لين هذا اليوم رجالها ؟؟؟؟؟؟ خايف عليّ ان احاسيسي تروّح هدر واخاف مني تضيع ان كنت ما اعنالها واخاف اضيّع بعض نفسي بسبّت قدر يارب خذني من الضيقات واهوالها حملت فوق الاراده في حياتي وزر يزيد حمل الظروف القشر واشتالهـا في وادي الطلح .. عيّـا لا يموت السدر متشاركين التراب و عادي اطلالهـا واحلام واجد .. من ابسطها يجيهو مطر ويكون لعروق جفت .. خير بلّالـها مدرى متى يالحياه نحس فيك العمر ( زهره ) مثل مايقول لسان من قالهـا وعسير دربي متى بعده يجيني يسر فيه المسافات .. فال الله .. ولا فالها اليا قطعت الشبر داخله__ زوّد شبر كنّه متاههه .. وكنّـي تايه خلالها يفور دمي .. واروح انزف شعوري حبر يطلق سراح الجمل ويحطّم اغلالـها وآه آه .. آه آآه ،، كم في داخلي من شعر شي اكبر اكبر .. من الشعّار واشعارها مايطرق البال هذا .. غير شيً ندر قصايد(ن) ماهي ان ماقيلت اشوالهـا حبيبت امسي - وهذا اليوم - وآخر دهـر مدري الى وين تسحبني خطى اهمـالها هيا تعالي أحبك والليـالي سهر وان طلت الشمس؟ كنت لروحك ظـلالها أنا مساك وجمالي فيك يااضوى قمـر بس الشياطين لا تغويك باعمـالها! خلّيك حذره مثل ماني بحبّـك .. حذر لو المُــنى هالزمن ع الكيـف ماجالهـا وان طال قطع الوصل من بيننـا ..أو قصر تبقى فبالي .. إذا اني باقي فبـالها نعيييييش .. واكبر امـور العمر تبغى صبـر مافيه صابر .. ثمار الصبر مانـالها طال الكلام .. وطفى بالريــح عود السمر وانتي طيوفك معي .. اكتبك و اقرالها