أحلى الصوّر دايم تجي عفويّه ., ‎ حتى تعابيرك تجي مختلفه .! ‎ صوره وفيها أحساس ب الحنيه ., ‎ كأنها ضمّة أحد ماعرفه .! ‎مطر مفاجئ حزة العصريّه ., ‎وبنت ٍ تغطّي الورد فوق الشرفه .! ‎جماد هالصوره ولكن حيّه ., ‎ أشياء واجد عايشه بالصدفه .! ‎مثلي قبل لا أركض ورا الحريّه ., ‎ ويصدّني ماضي يديني خلفه .! ‎مسجون / والتهمه بياض النيّه ., ‎ وجريمتي / وياي شلت الكلفه .! ‎ ما خفت بالروحه وأخاف الجيّه ., ‎أعمارنا مثل السعاده / سلفه .! ‎ ما عدت أضمن شيء لو ب يديّه ., ‎ الناس ما تضمن صلاح الخلفه .! ‎ هذا الزمن مشاكله يوميّه ., ‎بصيرنا أعمى يقوده ظرفه .! ‎ أصلاحنا نتايجه عكسيّه ., ‎ما نخترع غير الشتم و الطرفه .! ‎ وش فايدة ثوراتنا السلميه؟ ‎اللي غصب أنفي أبغصب أنفه .! ‎المسألة ردة فعل عرقيّه ., ‎كم جدّ لك دف المعارك كتفه؟ ‎حنا مانرضى الذل والدونيّه ., ‎صغيرنا وزن الكرامه / حتفه .! ‎جدي محلفني على الغاريه ‎وانا ولد جدي .، وماسك حلفه .،! ‎أما حياةٍ بالفخر مطليّه ‎ولا مماتٍ يبهرك في وصفه .،! ‎انا ما احب العيشة العادية ‎واحب أسجل في زماني وقفه .،! ‎ما بيني وبين الفكر / نديّه ., ‎وعجزت ألاقي في خلافي صرفه .! ‎أشيل هم العالم التحتيّه ., ‎والحزن للي فوق يلمع حرفه .! ‎أنا ضمير الفتره الحاليّه ., ‎وأنا بشر صنف الفقارى صنفه .! ‎صغير حلمي ضحكه وعيديه ., ‎وكبير ما أحلم بالليال الصلفه .! ‎تضحك علي أحزاني الجديّه ., ‎وأبكي على عمري وذكرى ترفه .! ‎الله يجيب حقوقي الشرعيّه ‎اللي أنزلت من القصور ل غرفه 30 تشرين الأول 2012 الفحيحيل – الكويت