لا تمــنـعـيــن الخــيــل .. يـا(مـاويـــّه) خـلـيّــها تعــطـي جـهــدهــا مــيــدانــه في ركـضــها تــجــسـيـــد لـلـحـــريـــّه في عــصــر زاد اسـيــاده.. وكـهّــانـــه من ركـضهـا تكــفــي صــور رمــزيـّــه حلـم السجـيـن ..او بعـض من عـنوانـه إلى ركضــت ، ثم ركضـت .. مـقـريــه.. أبعــادهــا .. بــعـيــونــه و بـاشـجـانـه ** *** ** يا فــارسه.. والـقــابـنـــا وهــمـيــــّه واكـثــر امـانـيــنــا بــلــيـــّا خــانــــه والـشـمـس فــوق ارواحـنـا مـحـمـيـَّه لــكــن روحــي بـعــضـهــا بـردانـــه! خـلـّي بــقـلــبــك لــو بـَعـَـض مـاويـّه ما يفـتــح (الأسطبـل) مـن تـحـنـانــه! لو عــن سـياجـه مـا رفـعــت يـْـديــــَّه كـان احـتــرق شــريـان مـن نـيــرانـه ** *** ** حـوريــة الـلــفــتــات ، يــا شـامـيـــه نـجـديـــة الــضافــي عـلـى مـرجـانــه انا هـنــا .. يالـنــسـمـــه الـعــطــريــه هايــم ، يـمـارس لـلـشـجـون ادمـانــه شاعــر تــقارب مـن طـَرَف مـحـمــيـّه ومـدري فــرح والاَّ انجـرح وجــدانــه والـلـي بـقـلـبـه قـهْـــر مــدري حـيـَّــه دايــم مـن احـلامــه وهـي غـضـبـانـه! مــات اكـثــره ، لـكـن روحــه حـيـّــه بـهـا مـن الـبحْـر ،الغـضـب/طـوفـانــه قـضــيّـتـــه لـو إنـهــا شــخــصــيــّــه ما صــار حــزن الـنـاس صدر احزانه ضايــق فــضـا بافـكــاره الرجـعـــيــّـه فـي راي مـن يــفـرض عـلـيـه ايـمـانـه ادري .. بهــذا الكــون يــوجــد زيـّـــه لكــن مـا هــو زيـّــه بـسـجـن لـسانــه! لــو مـا تـيــسَّـر مـن بَعـَـض حــنــيـّـه مـا شــال ذاك الــسجــن دون اعـوانـه! ** *** ** وانـتـي هنــاك ..الـنـظــره الجـــديـــــّه والمــستـــبــّـده بـالـحـَــوَر و إنـسـانــه يـالـجــوهــر الــلي يـثـبـــت الحـوريــه في مــظــهــر إنـــسـيّــه على بـرهـانــه شـكـّي يــســاورنـي شـكــل وهــمـيــَّـه والـعـلــم يـشـكـون الـهــوى جـيــرانــه! تــشــيـَّـعـــت لــك نـجـــل يـا سـنـيـّـــه لـلسحــر .. والاّ العـقــل جـاك إذعـانــه! وإن كــان قــاربــنــي خـطــر جــنـيــــّه عـســاه لـلـشاعر قـبــل شــيــطـانـــه! من لاح فـــستـانــــك عـلـى مـخــفــيـّـه من جــاد بالحـشـمـــه بحـسـب إمكـانــه! ســريالـي الرســمـات.. مِـليــِـه غـَيـــّـه المـحــتــــوي لـلــفـــتـــنـــه الريـــّانـــه شوفي ، هــنا.. سريـالي حـزن ونــيـــّه يشـكـر لهـالـــفـستــان فـضـل احـسانـه! ما بـــان مـن مــاسـيــِّك بـكـيـــديـــــّـه الاّ تــــوّرط فـكــــره بـــريـــحـــانـــــه! و يـلــوح فــستــانـــك ، بـهـالـكـيــفـيــّه وردٍ تـهـفــهــف مــن غـَـنــَج غـــزلانــه تـمـشـين به .. يـقــبـل ضحـى وسـمـيَّــه خـمـسـة سنيــن الطـهــر بيـن اخـوانــه! تـمـشيـن.. تــدخـل حــصَّــة الــفــنــيـَّــه كراســـة النــفــل .. وطـفـل ، والــوانـه تـمشيـن .. تمــطــر بـالــفــؤاد بـْـنــيـَّــه عـلـى شـكـل غـيــمــة عــطــر ولـهــانـه إمشـي بـَعـَـد .. لـو خـطـوتـيــن شــويــّه ويـغـــادر الـشـاعـــر سـجـن حــرمـانــه لو مـا وقــفــتــي ..غـايــتــه مـعــنـيــَّـه يمـكن نـــده لـك من غــلا : يــافــلانــــه لو تــطـلـقـيــن الـخـيـــل يــا ماوية.. يمـكـن يــطيــر الــقـيــد مــع شـيــهـانـه!