يا حادي الصمت .. بحنا ، لين ما بحنا نرسم مسافات صمت ..وبوحنا فينـا! لو القصايـد ، تمسيِّنـا .. تصبّحنـا من شمس ساحل ورقنا تجفل يدينـا! مايشبه الحلم .. ما يحمـل ملامحنـا بـوح ٍ بغينـاه موطنّـا.. وينفينـا! عسى المعاني .. الى ولَّت ، تسامحنـا ما دامهـا مالقـت بعقولنا ميـنـا! ياحادي الصمت .. لو به شي يفرحنـا ماصار حتى رماد البـوح يكوينـا! يا بعدنا .. والنهار/ الوهم يجرحنـا.. عن صبحنا اللي تغنـي فيـه امانينـا ياكثرنا .. بس هـذا الكثـر يفضحنـا ياقلّنـا وإن تبيَّـن مــن يناديـنـا! نمسي على صمتنا .. والهّم ذابحنـا نصبح ، ولا غير هالخيبـات تدنينـا! كم وإن تجدَّد بنا هذا القهـر صحنـا حتى تميّـز مـن الصيحـات نادينـا! كم وإن تبدَّد بعض هذا القهـر طحنـا فـي هاويـة هامشيـاتٍ تنسيِّـنـا تخالط اصـوات موجزنـا وشارحنـا في ركن باهت .. به اولنـا و تالينـا! وعلى الطريق الذي جينا معه رحنـا ونفس الطريق الذي رحنا معه جينا!