ما تمادت من وراء المستحيل .. الاَّ دَنَتْ ما دنت، الاَّ اشرقت شمسها، الاَّ تغالت كنها يوم انها صوب ظاميها عـَنـَتْ كلها لا نفس طالت ، ولا عين استخالت في عطر فاتك بفتنه وفطنه امْعَنَت في مطر هاتك لعمر العطش كله توالت وفتنت من حـَّد قلبي لعقلي ، وفـْتـَنـَتْ .. كل ما مرّت وسرّت من اعماقي وطالت وش نوَتْ في مجدبات المدينة .. وش جَنَتْ من سعت، او شعشعت، ذعذعت يمي، وحالت والمخاسير إغتنت ، والمحاذير اذْعَنَتْ من هجوسي ، والمداوير للصافي تدالت صافي اللي باعذب اعذب عذوبه برهنت إنها نهرٍ بشكل آدمي بالحب سالت وهذي هي ، من ترتدي زّي ضّي وزينّت دربها يمي ، وخلـّت سجين الروح فالت مابدت الاَّ ادهشت .. كلها لها اعلنت وإن مشت ينسب لها العشب الى حطـَّت وشالت يستقيم الشوق في كل عرق الى انثنت ينثني جبل صبر لإستقامت عقب مالت دلـّت اللي ما تدلـِّه جهاته، ومْـكَـنـَت شاعرٍ وإن شافها في مدى حلم استحالت تبني اللي منهدم به .. ويشرق مابَنَت وفي انامل كّف نسمه لحرمانه ازالت نَوْرِسَتْ ، إم الرفيف الشفيف، وسوسَنَتْ وصْعدت حتى ابعد الروح واعلاها، ونالت قلت : احبك، وإلتفت لي ضياها، وفـْطنت وامطرت لمسه عقب دَوْزَنتْ همسه، وقالت: