بدا توّه ! سطع ضوّه ! ومال بـ آخر الشمعه ! نفث فيها ـ طفى ضيّه ! تعالوا : قصّوا الكعكه ! ـ تعالوا قصّوا البسمه ! تعالوا قصّوا الصوره ! وخلّوا إثرها فاضي ! . . على ايش الحب ؟ وشهو له ! وليش الشمع ؟ وشهو له ؟ تعالوا نطفي البسمه ! ونشعل للمسا دمعه ! مدام إن الحكي ... نزوه ! مدام إن الهوا ... نزوه ! مدام إن الفرح ... نزوه ! وهي تفرق على الكذبه ؟ تعالوا ... نكذب * ـ ونشجب ! تعالوا نصفع الأكذب ! مساء الورد يـ آهي ! تعالي نكذب ونرقص ! على غنوه من الآمي ! من أحلامي من آخر نوتة إبهامي ! إذا ودك ؟ بقى يدك ! ولفي حولها ـ دمعك ! إلى ما ــ مائك العاري ! وطيحي طيحة المومس ! لأن الدمعه العظمى أبد ماتسقط الأسما ولا تسقط .. لمِا تسقط ؟ ولكن إنت ِ المومس ! تعرّي وإلعني بعضك ! وطيحي وألثمي كمّك ! ياأتفه من سقط مني ! وأنا أعظم منّك : لأني ! ــ عزيز النفس [ وآغني ] ! يسرك لو تساقطتي ؟ أجل طيحي وذا قدرك ! . . أنا ياسادتي آسف ! إذا كان الحكي [ نزوه ] ! أنا عرّيت هالدمعه ! ـ* تهنّوا بـ آخر الكعكه ! وقصّوا آخر الصوره ! وخلّوا إثرها فاضي ! وأنا ياسادتي آسف إذا شوّهت هالحفله ! . . هنّا يسكت ! ـ* مضى يمشي ! ويحمل كتفه بـ كمّه ! رمى من دمعه البدله ! وبلل هالمطر بعضه ! ركل حزنه رمى منديله بـ ضحكه ! لعلّ إنه شرب أكثر ! لعلّ إنه صحى أكثر ! لعل إنه ـ لعل إنّه .............. ! رمى من جيبه الأعلى ! بقايا ناس متسّخه ! طواه الشارع ... الساخر ! وهذا آخر المشهد !