رثاء في اخوي الغالي وزميل الدراسه في جامعة الملك سعود ( قسم الإعلام ) الشهم / سلمان زبن المرشدي الروقي العتيبي - رحمه اللـه - خيّم الحزن في قلبي ودميّ يفور فاقد ٍ لي رفيق ٍ روقـيً مرشدي مرشدي المجاذب فيه سمت الوقور بالوفاء و المراجل مثل نجم الجدي ايه ابـ احزن على سلمان وانا معذور ابن زبن العتيبي صاحبي وسندي طيّب الجد وافي من سلالة نمور عـزوة الاد مرشد هم عمى المعتدى مقدم عتيبه الهيلا نهار الشرور بـ المشوّك وحدْ الصارم الأجردي انشدوا نجد عن عزوة طوال الشبور كل ماطى قدم لأهل الفخر تشهدي من نطحهم وفي راسه شوية غرور وسـدّوه النصايب هـرج ٍ موكدي الثنا في عتيبه حق ما هوب زور جنسهم بالمراجل قلّ ما يوجدي يذبحون الخروف و ينحرون الجزور ليت بعض العرب بـ امثالهم تقتدي عزوة المرشدي سلمان صقر الصقور ابلج ٍ يفزع لمن جاه ما هو ردي ادعي الله عسى وبل السحاب البكور فوق قبره يسمي ماطر ٍ و بردي تمت ابيات شاعر شمريّ الجذور في رفيقٍ يعزه روقـي ٍ مرشدي ممدوح العفري @mamdouhalofri #Mamdouhalofri