دخول
تسجيلجرح الحكي
Nov 19, 2021 04:14 PM Nov 19, 2021 04:14 PM
لا تـنـبـش الـجــرح يـا وجــهٍ بـراه الغــياب مـا عــاد بــيـن الحــنـايـا مـنـزلٍ يــنـدهــل ولا عاد فـ النـفس حيل ومـتسع لـ العــتـاب وجـدي على طـول بـال وخـاطـرٍ مـسـفّـهـل تــفـرّقـت ســبـلـنـا بين الخطأ والـصــواب ولا تـلاقـت خـطـانـا فــ الـعــجـل والـمـهـل تدري وش آشـدّ من طـعـن القـنا والحـراب لا أمسيت يابو الحكم .. وأصبحت يابو جهل تـشـوفـني سـمـح في قـولي ولـيّـن جــنـاب وتقـول مدري متى سـحـاب فعلك يـهّـل ؟!! حتى تـسـاهلتني وأغـلـظـت لي فـالخـطـاب ما تدري إن الحكي جـرحـه ماهوب بـسـهـل كـان السـنين المقافي ما عطتك الـجـــواب ما عـلـمـتـك الحــياه بـشـي غـيـر الجــهـل ما كل مـوقـف يـبي له فعل يـابـو الـشــبـاب لـ القول وقت وأهـل .. والفعل وقت وأهل وإلـيـا بلغ مـنك شـكّك مـبـلـغ الإرتـــيـاب لا شفت وجـه القـشـر وقّــف ورّحـب وهـلّ مبطي وأنـا عن محاريفك عـقـلـت الـركـاب يوم أنت توّك بضـوضـاء العـمـر مـســتهّـل
الكاتب: فهد سفر
0المفضلة
14 المشاهدات
0 تعليقات