وفـودٍ من البارح على صـدري المشـحون تـوافـد عــسـى الله لا يـحـيّـي مـحـيّـاهـا ولا أدري متى وشلون صـارت عليّ تـمـون وسـلّـمـتـهـا نـفـسـي بـمــاهـا ومـرعـاهـا يا كم لـيـلـةٍ سـرّتـني بـضـيـقـتي مـغـبـون ويا كـم لـيـلـةٍ ســرّت عـيـونـي بـلامــاهـا تكيد الـلـيـالي كـيدها والـمـنـايـا بـطــون ما تشـبع لو أكلت قاصي الأرض وأدنـاهـا أشوف القـمـر يوم يغدي كـنّه الـعـرجـون عـقـب كان بـدرٍ نظـرة الـعـيـن يـمـلاهــا كذا حالة الـدنـيـا وقـانـونـهـا الـمـسـنـون يشيب الـكــلام بـوصـفـهـا ، ما تـعـدّاهـا يا كثر الـوجـيـه اللي لها شـاكـر ومـمـنـون لـو إنّ الـقــلــوب الله عـلـيـم بــنـوايــاهـا مظاهر عــبـاد الله ما تكشف لك المكنون ونـظــرة عـيـونـك مـا تـبـيّـن خــفـايــاهـا ظنونك ظـنون ولا تجي بين كــاف ونــون وفـي بـعـضـهـا الآثـام تـرعـى مـطـايـاهـا ياكم واحدٍ في نـظـرتـك شـوفـتـه ما لـون وهـو راس من روس الـرجــال ودهــايـاهـا وكم واحـدٍ في نـظـرتـك وافـي ودنــدون ولامـن بخـصـتـه :(نـاقـة الله وسـقـيـاهـا)