دخول
تسجيلعلى العز
Nov 19, 2021 04:29 PM Nov 19, 2021 04:29 PM
على الهون يا وقـتٍ خـذا كل راحـة بـال عـزاز الـنـفـوس لـذلّـهـا مـنـت حـاديـهـا ليا طالت الدعـوه وجات القصار طـوال تـمــوت الـرجـال بـعـزّهـا وبـمــبـاديـهـا ترى اللي تسوق إله الغرابيل فالفنجال كـبار الخـطـوب وهـو صـبي متقهويها من إشتدّ عوده في معافر ردى الأحوال بعد ما بـلـغ شـدّه ماهو مـبتلش فـيـهـا على العزّ يا روسٍ على الحلّ والترحال تنومس مـباديهـا .. وتشكر مساعـيهـا اذا إنّ الرجال أفـعال عان الرجال أفعال كـبار الـبـخـوت اللي بعيده مــرامـيـهـا وساع الصدور اللي غدت للكرم مدهال تبا تبطي الضـيـقـه تبيها .. وتخطيها تـفـوت الـفـرص بين الـتـرداد والإمـهـال ولا كـل مـن هــاز الـطــويـلـه يـعــدّيـهـا ولولا خـطـأ الجـهّـال ما تعرف الـعـقّـال ولا تحرق الجـمـره سوى رجل واطـيهـا وإذا إنه صحيح إن كل عقده لها حـلّال (أجل صـدق مال الـعـلّـه الا مـداويـهـا) عسى الله يديم الأمن ويديم ستر الحال ويضفي على بعض الدعاوي دعاويها أمـورٍ خـوافـيها تضاحك بـهـا الجـهّـال وتبكي عـواقـبـهـا الـرجـال وبــلاويـهـا
الكاتب: فهد سفر
0المفضلة
12 المشاهدات
0 تعليقات