دخول
تسجيلآقر أنا المذبوح بغيابك
Feb 17, 2022 09:15 PM Feb 17, 2022 09:15 PM
آقر أنا المذبوح بغْيابك على = إنّ الهوى رحلة بموتي مْكلّلة لاقيت حتفي واعترف لك والملا = إنّ المواجع في هواك مْحلّلة وانّك حييتي بين هجْر وْيا هلا = وانْ بك حروب العاطفة متمثّلة ناديتك بْصوتن بالاشواق امتلى = وبْكلّ حرفن للندا يا مْدلّلة وعدك مية مرّه على القلب انطلى = وتْصير ف الآخر وعود مْؤجّلة لا تتركي المغروم يا كلّ الغلا = بين السما والأرض يرقب مقتله قلب المعنّى عن ودادك ما سلا = حبّه رسالة بالأنين مْذيّلة تدرين وش يذبحني وكلّ البلا ؟؟ = وش هو التعب في حبّنا والمشكلة ؟ إنّك في آخر سطْر يا ريم الفلا = وآنا اعشقك واعيش بك في أوّله ليتك تجرّعتي هموم المبتلى = والروح لا جتْ دنيتك متسلّلة طيفك أشوفه عن حطامي ما انجلى = حسنك خرافي والعيون مْكحّلة وصفك تعلّى فوق تشبيهي ولا = لفظي بيشرح روعته ويعلّله شعرك م بين مْظفّرن كلّه حلا = وْحرّ طاير ليلته تتخلّله حبّي على عرش المحبين اعتلى = وانتي مقاييس الجمال المذهلة
الكاتب: أنس العبادي
0المفضلة
42 المشاهدات
0 تعليقات