إذا ايدينك ثرَى عينك .. من الأبدى لتأبينك ؟ من الأثرى من جْبينك ؟ إذا اصباعَك كحل أثمد ~ يسيل بحرفك ويكمد من الأصلح لتلوينك ؟ إذا صدرك حمل وزرك ~ أكيد بيرفضه زهرك ! إذا الأبيض غدا أسود ~ وإذا الأسود تسيد بك من اللي يفهم " آمينك " ؟! إذا تهت بعناوينك !! إذا هذا " الأذى " داءك جوابك : هو ثلاثينك ؟ تقسّمها - تجمّعها ، تشكّلها ، ترتّبها ، وتسقط " قطرة جبينك " ترّبتها " ب صبعينك " وتهمس لك : "فدا عينك " حياة من الـ حياة أغرب ! وناس تمّر - تتسرّب ! تشوف إن الحزن " مُتعِب " تراه أصدق " ولا يكَذب " أنا والله .. ورب الماء ، ورب السور والتُربه أبد " مااخترت هالغربه " وهي أظلم من العتمه ، ولاودّي بهالكلمه تضيع ب كل هالزحمه ! وهي بيضاء ، وهي متزمزمه وأنقى ! وهي يركض بها " حصانك " حصانك " ليه ماصانك " ؟ أنا هالفمّ " روضته " ولو هو مال " عدّلته " على ماشفت " أكرمته " - أنا من أسس أصطبله ، لو أنك جيت " وبغفله " تبي تتلذذ " بقتله " ! بتحتمله ؟ خيوله دمّهم من مسك .. صحيح بيذهلك يعجبك ولكن " كيف تنساني " ؟ بتلقاني ، فـ كل اشياءك ، أوقاتك ، بكل اسماءك وناسك ولا تقدر تعدّاني .. على هذا السواد " أشكرك " على هذا الوجع " أعذرك " على كل الجروح " أرحمك " وأنا عن دمّي أتأسفك ، أبد والله ماتقصد .. لقيت أنسان في مشتل .. جميل ومالقيت أجمل .. تركت الورد وأخترته .. قطفته " من ثلاثينه " وقبلّته على عينه ! رميته .. ثم خليته !