غازل هدب عيني مسا البـارح رقاد لكن منامي عنه شيًّ منـعني فزّ النعاس .. وصبحي اصبح ولا عاد عيّت هالارض بكبرها.. لا تـسعني ! ماضي شريط الذاكره قام ينعـاد لاحداثي اللي وسط حزني تضعني ناديت انا ياسْـعاد... مابانت سعاد كنت احسب ان آذانها تستمعني ياشعور في صدري ماعاد الك مقعاد اليا اعتقك بوحي __ عساك تعتـقني وين انت.. يااقرب لي من السين للصاد في وقت احبه لين دار .. وْفـجعنـي ! يا فرصتن راحت ولا آظن تنعاد ؟ خذها القدر في كـفّه اللي صفعني يااجمل من الصدفات من دون ميعاد قبلك .. مااعرف الحبّ وش كـان يعنـي ياالذّ من ميً بعد قيض واجهاد جـاني قبل عزمي يطــيح ورفعنـي لو تنزلين وينزل المزن فبلاد أزهر .. وقال ان مشيك اللي زرعني قلبي خلق داخل قفص صدر وانقاد ولو ان لعيوني قفص ؟ ما منعني ! عن حبك اللي في حناياي يزداد والعاذل الشامت عنه ماردعني لو شافك الملعون فرعون الاوتاد قال انت الآهي .. وانت منهو صنعني خلا فراعينه ركوعً وسجّـاد من تحت حسنك طوع ماقال طعنـي لو كان لي قبل اعرفك يوم ميلاد مافيه يومً قبل اعرفك نفـعني شعري يجود بوصف غيرك ولاجاد في وصفك .. اللي للقصايد دفعنـي .