دخول
تسجيلبُرج الحوت : )
Jan 4, 2023 06:02 PM Jan 4, 2023 06:02 PM
يقولون السنه هذي سعيده ف عالم الأبراج .. ورحت اقرأ عن الابراج / عل القى حكاياتي ! لقيت اني مع الحيتان حوت يصارع الامواج .. وموج البحر مقفي بي / سنينٍ عن بُحيراتي ! تقول اني بصير احسن بعامي ذا بليا علاج .. علاجي نبذ هالماضي سبايب كل عثراتي ! تشوف الحِده ب عيني كأنها تذاكر المنهاج اخبي ماكتمه القلب / وتفضحني نظراتي ؟ تقول اني ابستقبل / ف قلبي نجمي الوهاج .. وهج هالنجم اقرب لي من الخطوه بمسافاتي ! وقالت لي عباره وانقلب كلي غضب وازعاج .. بأن شعورك الماضي / ب يآتي لك ولا تآتي ؟ بعيد ابعد عن الماضي رجاءً لو مافيها احراج ولاتبرر ولاتشرح تقول / اجمل علاقـاتـي ؟ معاني اسمك بتلبسها سنينك والسنين افراج وانا مؤمن برب البيت / قاضي كل حاجاتي ؟ تشوف بطالعي طفلٍ ب يملاني فرح وإبهاج ذبلت بوقتها تحنان / حنيني لطفلي الآتي ؟ عطتني دفعه وقوه / وانا لطاري الأمل محتاج بعدها قلت ياربي عٍلو لي بعد صبري لطيحاتي ؟
الكاتب: سعود بن عواد
1المفضلة
69 المشاهدات
0 تعليقات