و بح الصوت :: قبل تتنفس الكلمة / و أرد أموت ورى صمتاً عزف بأوتاري الحُره _ قصيده مانساها وزن لو إن الحزن : حروف العاشقين إن ، مرو الغيِّاب على جرحاً نفى بالأرض شاعر كان صوته فرض _ ولكنْ ما قدر ينسى بإن كل الورق لو مالقى له : كفْ يموت بـ رفْ _ منسي في غبار الظنِّ وكل هذا الحديث اللِّي بقى في ناصية بالي أنا لحالي : وصلته قبل لا ياصل غيابك " يا طرف ضايع " بـ دار العاشقين الغُلب و يتردد عليك أكثر و أجيه أكثر : تبي من وين أسولفلك ! من أوّل عمري لعمري او أخر نبض من صدري عصرك وما تسيّل شعر : تبي من وين ! تبي أي عين _ تبكي لك سوالف والسكوت أعمى : تبي أي جرح _ لا منْه نزف يتشكل بأسمى كثيره / عالقه فالبال _ تعال وجيبني منِّي بعيش إنسان يسولف لـ اعتباراتك _ و آسى ذاتك و رواد المكان اللّي طواه الحسِّ لأن إن جيتني تركض بوقف بسِّ _ عشان إن طحت تتذكر فتحت الباب و تصكر على السنين الذابله : بـ سكات قبل دمعي _ يصب و تنبت أوجاني حزن ثاني : تجاعيده بداية عمر أعرفه والغريب إنك : تركته بس خذا منْك : بدايه للزمان الجاي إِذا ظلْ الحكي عنك : يجيب الذكريات بشوق تموت ولايردك حلم ولا حتى احتياجي لك بعد ماشفتك بعمري بعيد وقلت لك يا هيه : عرفت بكسرتي كم كنت _ ادوّر و اكتشفتك : إنت إِذا طرّف هزيع الليل _ تجي لضلوعي البيضا وتحطب حيل : وانا للخوف متشجِّر وابي أي ريح تفزعني عشان اطيّر الغيّاب تخيل عاد : قدرت اطيِّر احلامي _ و خليت اماني صوت _ عشان إِن جاتني ذكرى بعيدة من مطلْ. : الشمس أعيش ومن يموت ،، يموت _ بلا موعد : _ بلا هذا الشعر كله بلا ليله تجيب احباب او غيّاب حي الله _ يمرون بسكك حالي ويتلذذ كلام الصمت بـ أواخر نكهة الماضي من التذكار و أرد اصرخ : تعب كل الحجي والصوت بقى كل الحجي و الصوت هالمره _ ورى كل شي : اسير بزاوية صمتي وحيد بنافذة هالبال غريب بْموطن الدفتر و لا ادري لي متى بكتب شعوري وانت ما تدري بإن نصف العمر حاجه _ والاخر نصفه تحتاجه إذا صديت - إذا غنيت - إذا بلل طهر صوتك وزن ما رتلْه _نسّاي ولا دوزن أحاسيسه كلام الناي ولا رغبة وتر عاشق ولا تلك البلاد الماثله بالجرح _ ولا تلك العيون الغارقه بـ أحلام ولا ذيك الوجيه المستريبه منك : رغم هذا _ قدرت بجد تتوزع بكل طينة سهر خلفي تركت الذاكرة فيها وطاحت من سماي نجوم و جيت اليوم : ادور اي عذر ساكن مدينة هالورق دام إنت أصح اغلاطي ولكن : فقدتك و أمتليت أعذار و رحت اركض إلى ماله شبه وياك إلى احزن مرحله ممكن _ تجيبك لا وقفت هناك و إذا مرّت سنين ولا جفاك الظلْ عليك بكل : قصيده قلتها ترمي ! بـ أراضيها حطب نسيااااااااااااااااااان عشان أشعل : غيابك في شتا روحي : و أقول اني تذكرت العمر كله من الاخر ،، ولكن من تذكرت العمر كله نسيتك إنت .... و صرت اقدر : اجرّ أشياء تتبعلك تقول بـ ليلة الرحّال ( تركت بس بأذن الله مسافة عمر و ارجعلك ) " حزن ثاني " ٢