" مريم " : و عذب الحكي فالمآ شربْه : الضفاف مرّي بـ صمتك وكوْني : فالحديث أسئله : بللْت صوتي عتاب الأرض لـ أخر مطاف في سكة إحساسك المرمي بحضن أوّله وقفت بيدْ الخطا و الموت و الأختلاف أجاوب الشمس بين الظنّ : و الآخيله لا ظلْ ظلْي ولا حتى الجفاف الجفاف شوفي بيادر حنيني : سنبله .، سنبله ذبلني الياس قبل . . أطلْ بـ الإعتراف و أقول عمرك عرفته زين بس أجهله ما اخترت : هذا الحزن ما اخترت احبك و أخاف أخترتك الحلم لكنْ ماقدرت أوصله ! _ __ و أذكر إنّي : كنت عارف فيك : منّي _ تشبهيني حيل كلما أغيب : عنّي _ __ في قصيده : في مدى شاعر حلف يرسم على جدار " المعاني " __ " شي ثاني " شي مابين السما و الأرض و المآ و السواكن لو على بال الثواني : __ " شي ثاني " ما خطر في ذاكرة صوتي و أَنا قبل " الأماني " __ عارف بقايا : الحنين و نبضه وسرّه _ بـ أوّل شعوراً قدر للأرض : يعزفني رغم إنكساري بـ وجه الليله المرّه جيت أعترف لو كلام الظنّ يجرفني لا تصدقيني ليا من قلت : كل مرّه ( الخيلُ و الليلُ والبيداء تعرفني ) أنا أعرفك بس وحدك : وإنتي الحُرّه من وين مايطري أحساسك : يشرفني - أ لـ لله ياااااااا : مرررررررريم ؛