دخول
تسجيلصرح حبي
May 20, 2023 06:12 AM May 20, 2023 06:12 AM
حبك الي كنت له في زي خادم وصبري الي فيك مات ولا بكيته وعوجك الي خالقه ربي من آدم وانا في عز اعتدالي ما قويته ولو يكون الشوق في قلبي مترادم لا بغى يظهر على وجهي زويته وصرح حبي لو رعيته ما تهادم وانت قادر لو تبي بنيه بنيته ولو تكون اشباحنا دايم تنادم جرحك الي وسط قلبي مانسيته ذكرياتك والمفارق شي صادم ومن يفارقني فلا والله رجيته ولو يقال انه على فرقاي نادم من يرجعلي الشعور الي عطيته ولو يقال انه على بابي وقادم قلت لا والله تراني ما بغيته
الكاتب: عماد محمد الرشيدي
0المفضلة
28 المشاهدات
0 تعليقات