دخول
تسجيلالعيد
Jul 9, 2023 01:44 PM Jul 9, 2023 01:44 PM
مشتاق انت و انا نسهر بيوم العيد تَ يغيب نجم السما و يفل بسرارو و تهرب ليالي الهجر عنا بعيد بعيد و يشلح تيابو الأسى و يحل زنارو مشتاق نسهر سوى و الشوق مو بالإيد نبحر ببحر السكر من غير بحارو نقطف غرام و قبل من بيدر عناقيد و نزرع بذور الهوى بتراب أفكارو و نسقي البذور بعشق من حبنا الجديد تايصير كرم العنب أحمر متل نارو و نعصر محبة و هوى و نقطر مواعيد و اشرب خمور العشق من ايد خمارو تعلمت حبك أنا و عنك ما فيي حيد بيموت قلبي الشقي لو غيرو كارو قلبي صبح ملكك و الملك شو بيفيد لو ما سكنتي بقلب كنتي الو خبارو طلي و شوفي القلب من يوم صرتي بعيد ينفض هموم التعب ع طول مشوارو بلكي خطرلك بعد لحظة من التنهيد تلفي بليلة عشق مرة على دارو
الكاتب: محمود عباس
0المفضلة
11 المشاهدات
0 تعليقات