دخول
تسجيلشقرة
Jul 9, 2023 04:07 PM Jul 9, 2023 04:07 PM
ردي ع كتفك شعر متل الدهب منثور و خلي شقار العشق يلهب أحاسيسي و تغندري بليل السهر طلي بتوب النور تمشي قبالي دلع و بخصرك تميسي و خدود تغزل هوى أصفى من البلور و قامة يا قطفة حبق حلوة و لبيسه و عيون فسحة سما و شفاف متل خمور و الريق شهد العسل و العطر باريسي رح اقطف نجوم السما و اجمع الك البدور سلسال نور و حلا تحطيه و تقيسي بلكي جنون العشق مرت عليه دهور بيبقى ع صدرك وشم يحكي أحاسيسي وياما عليي الهوى نسم فرح و سرور حتى شردت و رحت صلي بالكنيسة و ما بين وهج السكر و مجامر البخور شفتك قبالي ملك بتياب قديسة و رهبت قلبي لكي و بلشت عد ندور بلكي تياب الصلا تلبس مقاييسي و فجأة كروم الصدر صرخت ورا البلور قالت دخيلك تعا فكفك محابيسي قلبي ع نار الهوى كلما حمت بيفور و كلما طلبت الحرب بفتح متاريسي
الكاتب: محمود عباس
0المفضلة
19 المشاهدات
0 تعليقات