دخول
تسجيلالسعيد الحزين ؛ )
Sep 4, 2023 06:24 PM Sep 4, 2023 06:24 PM
انا سعيد : اني حزينٍ بدونك .. انا حزين : اني سعيدٍ بلياك ! ياحاكمٍ نصف الشعب يهتفونك .. والنصف الاخر يشتكي من جفاياك لا صرت مزنٍ وين تهطل مزونك .. الارض جردا يا شحيح بـ عطاياك ؟ ضاقت علي رغم إتساعـه عيونك .. وانا فـ عيونك أتعس أسعد ضحاياك اضمد جروحي من اقسى طعونك .. وتغلف جْروحٍ جديده بـْ هداياك صبرت مثل أيوب وانا فـ سجونك .. مدري متى الافراج ؟ ابنفض بقاياك بـ تعيش من دوني واباعيش دونك .. ( ' سُحقـاً لـ بُعدك ثم تباً لـ لُقياك ' ) أول اجيك ، وكل همي شؤونك .. والحين صرت ما التفـت واتعداك طُزٍ لـ وصلك ، طُـز بـ اسوء ظنونك .. إن عافتك عيني ، تعوفك مراياك ؛) ماعادني شخصك حبيبك حنونك .. أفلـت يدٍ صادقه بـ كف يُمنـاك واليوم جاني من يدكدك حصونك .. احتل قلبٍ كان يفرح لـ رؤيـاك حرّك شعوري عقب وحشه سكونك .. رتّب حياتي بعد هجرك وفوضاك مَلّ الشعب في خافقي ما يبونـك .. هذا نتاج الظُلم واردى سوايـاك مابي أخونك مابغى ايضاً اصونك .. الذنب ذنبك والخطايا خطاياك ؛ )
الكاتب: سعود بن عواد
0المفضلة
106 المشاهدات
0 تعليقات