دخول
تسجيلالشهيد
May 6, 2024 04:04 PM May 6, 2024 04:04 PM
كانت نجوم السما تِتعد بالواحدة و فـ كل كام ثانية ينقصوا واحدة الموت هيفضل موت ... نفس الصفات و الشكل قالت و غابت بعدها النجمة عن عيني مدت إيديها السما ... سحبتني من رمشي بحلم ؟ مبحلمشي ؟ الفرق مش واضح شُفت الشهد المقاتل في السما بيلف شُفت الشهيد المناضل بجناحات بيطوف حسيت بوزن الجسد بيخف ... بيخف .. أنا قُلت : يا ربنا ! كل الخلايق نور والدم عـ الأفرول بيزيد و مش بيجف فتحت عيني اكتر شدتني من رمشي بحلم ؟ مبحلمشي ؟ الفرق مش بَيّن كل اللي مستصعبه أصبح خفيف هَيّن فـ سألت ناس شوفتهم و المعركة دايرة : إيه اللي جابني هِنا ؟ قالوا : عشان زينا و الطلقة كدابة و مفيش هِنا ديابة أو حتى دبابة و مفيش نجوم في السما و الموت ... هيفضل موت نفس الصفات و الشكل فـ اضحك عشان البُكا ميليقش بالشُهدا .. فـ ضحكت وياهم ! --------
الكاتب: محمود خليفة
0المفضلة
22 المشاهدات
0 تعليقات