دخول
تسجيلجنّة حروفي
May 28, 2026 07:35 AM May 28, 2026 07:35 AM
كل صبحٍ به حضرتي .. في صباحاتـي نديّـه وكل ليلٍ لا سهرتك .. تعشقه جنّـة حروفي وكل همسة حب ذابت .. في مسامعنـا عذيّـه وكل ليلة حب مرّت .. كنتي انتي .. في كفوفي وكل زهره من حديثك .. في عروق القلب حيّه وكل حرفٍ من زمان الوصل .. أودعته بجوفي ياعظيمة قلب لامن حب .. ما ينسـى خويّـه يا حمامة روح لامن .. خانوا العشّـاق توفي ياعظيمة فكرٍ اسمى .. من الكثير .. من البريّـه يا بياضٍ لو كسى قلوب الخليقه .. مات خوفي يافـريـده لا بدعـتـي .. من الـحـروف الأبجـديّه: تدهشيني مثل غيري .. وارتبك واقـول : روفـي يا قليله بين جيلك .. يـا كثيـره فـي يديّـه ما يموت الحلم لكن .. ظرفك معاند ظروفي! بس احبك .. من زمان الحب .. لا يوم المنيّـه ولين قالوا لك توفى .. مُرّي الذّكرى وشوفي
الكاتب: عبدالعزيز الجراح
0المفضلة
34 المشاهدات
0 تعليقات