بنيّتي أنتِ يا نور العيون .. كيف ماغليك بجنون.!؟ و زينة الدنيا البنون ... بنيّتي والله أني لأجلك أسهر .. و أنتِ أطهر و أنتِ أكبر ما عطاني الله .. يا طعم الحياة.. بنيّتي مابي أشوفك تزعلين .. و تشتكين و تحزنين ودي دايم تضحكين ... بنيّتي البراءة في عيونك .. والطهارة في شجونك حرام هالدنيا تخونك و أنتِ وردة ياسمين ... بنيّتي ياجمال الكون في عيني يوم أشيـلك في يديني وَ أنتِ تناديني " يُـبه " وبسمتك تملا شفاتك .. يا حلاتك يا غلاتك .. بنيّتي يا كثر ما احلم أشوفك قدام عيني تكبرين و تلعبـين و تركضين ... بنيّتي ودي أشوفك تدرسين تكتبين .. و ترسمين وفي الصباح أقرأ عليك آية الكرسي ... وأبيك قُبلة قبل تغادرين وقبلة حين تعاودين ... بنيّتي ودي أشوفك تكبرين و تكبرين .. لين ما شوفك عروس لابسه ثوب الزفاف و البراءة و الطهارة و العفاف .. و يكتمل حلمي بعيني يوم أشوفك تحضنينه طفلك اللي تحلمينه ... بنيّتي أنتي يا نور العيون كيف ماغليك بجنون وزينة الدنيا البنون وزينة الدنيا البنون وزينة الدنيا البنون