دخول
تسجيلشاعر بـ غربه
Jul 30, 2024 06:21 AM Jul 30, 2024 06:21 AM
أحسنت فيك الظـن لا تخذلينـي واشوف بعدك صدق الارواح غربه دامك عميقة في خفوقـي وعينـي ودّي أشوفك طول الأيـام ذربـه لن ان فقدتـي يـوم دربٍ يجينـي صعبه خفوقي يوم تلقيـن دربـه وكانك رحلتي من جنوني خذينـي مقدر أعيشك باقي العمـر كُربـه أجيك أدورني وإلى قلت: ويني؟! كنّي بصدري انطعن بـ ألف حربـه واليا سألتيني .. حبيبـي تبينـي؟ أقول قلبي : من سواك يحضر به؟! والله بصدري من زمن تسكنينـي وطيفك توّسد هدب عيني وسهر به الروح تحلم تقضب ايـدك يدينـي والقلب لجلك طيّر اشواق سربـه في غيبتـك يامـا نثرتـه حنينـي وشوقي كتبته حرف محدٍ شعربـه لنّي حفظتـه بيـن قلبـي وبينـي ولنّي أعيش العمر "شاعر بـغربه" غبتي و غبتي .. وانكتب تلتقينـي أنا قدرك اللي حياتـك تمـر بـه يعني بعـد هاليـوم لا تقطعينـي يا تعسه اللي لقى حب وكفر بـه
الكاتب: عبدالعزيز الجراح
0المفضلة
24 المشاهدات
0 تعليقات