دخول
تسجيلالياسمينه
Jul 30, 2024 06:55 AM Jul 30, 2024 06:55 AM
قالت: ادعي لي يجوز الله .. يوسعهـا عليّـه ضيقةٍ ضاقت وربي .. من سبايبهـا المدينه ضيقةٍ حطت بقلبي .. ألف جرح وألف كيّه لين صدري لدلهم الليـل .. بكّانـي ونينه قلت: يا كيف اتضايق .. بنت مثلك شاعريّه ناعمه ، عذبه ، رقيقه .. مثل ورد "الياسمينه" والسهد ياكيف يسكن .. في عيونٍ نرجسيّه والشقا يا كيف طالك .. لين صرتي له رهينه يوم صارت تشتكي لي .. قلت: يارب البريّه هوّن الكربه عليها .. لين تحضنهـا السكينه جادلٍ تكتب حروفٍ .. راقيه ، عذبه ، نديّه ما قريت إلا الثمينه .. وانتظر منهـا الثمينه بنت بدروب المحبه .. مالهـا روحـه وجيّه قلبها بأول دروبه .. ما خـذا احـدٍ حنينـه ليه يا كل العذوبـه .. مشقيـة روحٍ نقيّـه بنت مثلك مو حرام .. تعيش دنياها حزينـه والله أني من سبب ضيقتك .. والهم وخويّـه صرت أشوف الهم يبرالي .. وجوّدنـي يمينه روحي الله يسعد أيامـك .. ويجعلهـا هنيّـه وتصبح آمالك حقيقه .. حلمك اللي تحلمينه
الكاتب: عبدالعزيز الجراح
0المفضلة
35 المشاهدات
0 تعليقات