‏كم بقى بالعمر؟ قولي؟ ‏ظل ما يشبع فضولي؟ ‏أعجبك شطرٍ يتيم؟ ‏"انتي أجمل" ‏قيل بك . . من قبل أعرفك ، ‏من قديم. ‏يابعد قلب القصيد . . ‏وبعد عينه . . ‏اتصدّق بالقصيد الا عليك . . ‏افكاري ، الهامي ، ‏علي تتصدّقينه . . ‏صدّقيني مو بكيفي غصب عنّي ‏تسرقينه . . ‏ذكرّيني . . ! ‏أعجبك شطرٍ يتيم؟ ‏"انتي أجمل" ؟ ‏اي وربّي انتي أجمل بس قولي . . ‏كيف كل اللّي كتبته من خيالي ‏كان لأجلك؟ ‏كنت متصوّر كتبته لجل غالي، ‏صار لجلك؟ ‏يا أخي كل القصايد ‏كلّبوها ‏من إلى فدوه لبوحك ‏فدوة لبوحك و روحك ‏وفدوة اهلك ‏يلعن اصلك . . . بس قولي؟ ‏أو ثواني . . . ‏فالحقيقة . . إيه فعلا انتي أجمل . . ! ‏وفالحقيقة . . صحّ ! . . أنا مثلك ‏أعاني . . ! ‏فكّري . . . لو يوم واحد تعشقيني ‏واخسري الدنيا عشاني . . . ‏اغلطي في حق نفسك واعشقيني . . . ‏. ‏إيه أنا غلطة عمر ‏وأكبر أناني . . ‏إيه أناني لكن انتي . . ؟ ‏. ‏. ‏فعلا انتي شي ثاني . . ‏منتي أجمل شي عشته . . ‏انتي أجمل شي ثاني . . ! ‏اسأليني . . . ! “من انا ؟” ‏واهمس لك : انتي ‏-بنت روحي، ‏-بنت قلبي، ‏-انتي بنتي لا سألتيني ‏من انتي. ‏انتي اغلى . . انتي أحلى . . ‏انتي أعشَب طين مرّت به ‏فصولي . . ‏وانتي اطول حلم واقصر مشهد بعمري ‏ولكن كان هالمشهد بطولي . . ‏ ‏حرّكيني . . طلّعيني من خمولي . . ‏دامك أجمل . . ‏فكّري في غيرتي . . ‏و لا تهمّك غيرتي . . ‏لمّي أوراق الورود اللي رمتها ‏حيرتي . . . ‏يوم كنت لنفسي أسأل . . ‏وراح ألم الورد وانشِق . . ‏جييييتك أعششششق ‏وجهك ، ‏وقلبك ، ‏وروحك ، ‏وأعشق الشّامات ذولي . . ‏لا حضرتي . . ‏ما أبي النّاس حولي . . . !