انا ما اكتب عن بلادي انا اكتبها اخطها سطور بقلبي قبل ورقي واحطها بين رمش وعين لان السعودية ماهي مجرد وطن هي الروح اللي اتنفسها والصوت اللي يصير نغمة لو نطقت باسمها من اول حكاية لين المجد زمان كانت الأرض صحراء والرمل يحكي قصص الرجال اللي حطوا حجر فوق حجر يكدون بعرقهم ويبنون الى ان صار المجد مكتوب بحد السيوف مرسوم على راية ما تنكس عبد العزيز هذا الاسم اللي اذا انذكر تسمع معه صهيل الخيل وصوت المعارك تشوف كيف الوحدة صارت واقع وكيف كانت البدايات صعبة لكن العزيمة ما تعرف المستحيل السعودية ما هي بس تاريخ هي حضن دافي يد تمتد للعالم بعطاء ما ينقطع يوم جاها المحتاج فتحت له قلبها قبل بيتها ويوم نادتها القدس كانت درعها وسيفها اليوم اذا قلت انا سعودية ما اقولها بس فخر اقولها حب انتماء مسؤولية اشوف عمارها ناطحات سحابها اللي تعانق السماء واشوف شبابها اللي يحلم ويحقق بناتنا اللي صاروا في كل مجال يرفعون الراس واقول هذا الوطن اللي مستحيل ينحني السعودية مثل النخل جذورها في الأرض وراسها فوق السحاب مهما هبت الريح تظل واقفة شامخة ودايما قدام واذا كانت الحياة قصيدة فالسعودية هي بيت الشعر اللي كل القوافي تحاول توصله وما تقدر كتابة Aseel Mohammed