دخول
تسجيلتعبت .. تعبت … الخ
Mar 16, 2025 10:42 PM Mar 16, 2025 10:42 PM
تعبت أكذّب ظنوني وأتوقّى الكلام.. وانا المطر من جبين الغيمة أتسوّله! تعبت أكون الحقيقة لين صرت الملام، تعبت، حتى التعب مني تعب بـ أولّه! تعبت أكون السبيل لكل عابر، حرام، تعبت اكون الجواب المـر لـ الأسئلة! تعبت أكون المسافة قبل مسك الختام، تعبت أكون اليقين لكذبة المرحلة، تعبت اخبي انكساري كلما الانهزام: صار الصدى في مدى روحي لشي اجهله، تعبت أكون الغريب اللي جرحه الظلام تعبت أكون الحنين اللي ذبحه الوله. تعبت أكون الـ بخير الحمدلله تمام، تعبت مدري التعب خلاني أستسهله! يارب مابي أكون/ أبي أصير السلام، اللي إبتدت وإنتهت في بابه المسألة !
الكاتب: مشهور بن عبدالله
0المفضلة
12 المشاهدات
0 تعليقات