أسوار مبنيِّة على وجيه الفقارى المعدمين . . قامت قواعدها على آيادي الفقر .. وهله . . . . حديد؟ كيف إنه حديد وبه ملامح عابرين . . بيبان مليانة أسا ما تمت لـ الواقع صلــــه . . . أسياب تنبض بالخطاوي المثقلة بـ المحبطين. يـ هالمكان اللي على قد إنغمـــاسي "أجهله" . . تعبت أمد الصوت في صمت إمتلى بالتايهين . وتعبت أدوّر لـ الجواب اللي خنق هـ الأسئلــه . . عايش على "قيد الأمل" ماني على " قيد اليقين" أكبر من "الأحـــلام" وأصغر من غمـوض المرحلة. . ياعتاب .. ماكنت أتمنى لـ صوتي المنسي يدين . إلا بعد ما طحت / مالي غير صوتي وأرسلــه. . . تعبت أشيل البارح بـ وجهي، وإذا البارح: سنين/ عــدّت ثلاثيني وأنا يا أرفضه . . أو أقبله . . . . من برزخ الصمت إنبعث لـ أمّي صدى كله حنين، تعبببت أرتّـب حزنها فـ الذاكرة وأتخيِّله . . . . ياحلـم مااات بـ راحتي: الله على فقدك يعين .. يا ليل تاااه بدمعتي: حزني عجزت آزمّلــه . . ياصوت ضاع بـ نبرتي كل ماذكر إنه سجين . . يطيح من عالي السكوت لـ ذكرياتهْ الأوّله . . حزين؟ لاوالله الا شي أفظظع من حزيييييين.. حتى الفرح من ضحكة الأجواد صرت أتسوّله . .