دخول
تسجيلصدري نخيل
Jun 30, 2025 02:41 AM Jun 30, 2025 02:41 AM
من جلبك الله يالحظ الجميل : عن جميع الغيد شفتك "فارقه" ومن زرعك الله في "صدري نخيل": شامخة يا روح روحي شارقه ولو تهّب الريح غصنك ما يميل: أنتــي اللـي للخفـــوق البـارقه شاعرة والشعر في بدعك جزيل تبدعينه يوم غيرك سارقه لو أدوّر وين بلقالك مثيل : ما أبالغ لو أشوفك خارقه ومن خذاك الوقت والحظ البخيل: كل لحظة في غيابك حارقه لا تخليني على جمر المليل : انتظارك شّي صعب أطارقه خافقي والله مجنون وعليل: يوم روحي في غرامك غارقه وان تجيني سعدنا كان الحصيل: يا غصونٍ في عروقي وارقه للعمر تبقين في صدري نخيل: باسقه يا روح روحي فارقه
الكاتب: عبدالعزيز الجراح
0المفضلة
29 المشاهدات
0 تعليقات