دخول
تسجيلساحل كحل
Aug 9, 2025 07:08 PM Aug 9, 2025 07:08 PM
انا على موس " الحكي " أحصي : واعد اللي بقي ! واقف على : رمح الكلام ، وشقد محتاج السلام ! كل ماارتخى رمش وغفى ، اصحى على غالي رمى ! يارب .. لو صدري يطير ! الأرض " ماعادت بخير " يارب : لو أقدر أصير ، في هالسما طير .. واطير ! ان ضقت : لجناحي مدى ! وان رقت : صوتي له صدى او اني اصبح " أغنيه " في جِيد غيمة مدنيَه ! كل ماتصب أمطارها .. كِن قسّمت " اوتارها " حتى إذا - فاض الغنا ، وامتد الأزرق بالسما طلّ القزح .. مثل الفرح .. هيمان ، له وجهٍ سمح ! يارب : لـ اجرح " لـ انجرح " ماعاد فيني .. للسواد ، اللي ملى صدور العباد الله : لو إني شعر .. واهرب : من صدور البشر ! واغفى " وانا بين السطور " ! وآمّر في كل البحور ، ويمرّني المعنى " ويثور " وارسى على ساحل .. كحل ! بـ آخر قصيدة : من غزل !
الكاتب: سعيد الموسى
0المفضلة
48 المشاهدات
0 تعليقات