دخول
تسجيلمسرى ضليع
Apr 7, 2026 11:03 AM Apr 7, 2026 11:03 AM
طرقٍ عزفته حيّد القال والقيل طرقٍ تحيّد عن معانٍ تلاوت مسرى ضليع وعنّة البن والهيل قمرا بسما قفرٍ ذيابه تعاوت انظم جزيل القاف ووفي به الكيل جزل القوافي والضماير تخاوت كلٍ لقى في عيشته هدّة الحيل مير النوايا والمساعي تفاوت ساقٍ وطت بعزومها جرة سهيل وساقٍ عن أدراج المعالي تهاوت أطري قروم عدلت كفة الميل من عدلها الروح السقيمة تداوت مثل المزون بعلمها حدرة السيل تروي يباس ألباب كادت تماوت مثل الدليل اللي كسر سطوة الليل هذي عزومك بالكواكب تساوت
الكاتب: محمد مكي النعمي
0المفضلة
38 المشاهدات
0 تعليقات